溯 (已結業)

絕對失望。。。一心諗住新開一間餐廳，見到食評都唔錯，諗住試下。首先，講一講稱讚部分，服務態度係幾好，包係最好食。除咗個包之外，其他嘢根本就係好一般。。。環境方面:睇相都好似幾好咁但係。。。。。入到去之後其實佢分咗地牢部分，地面係有裝修，但係落到去地牢，完全壓迫感好大，樓底好矮，一啲都冇高級感覺，反而好似一間普通Cafe咁。食物方面：麵包絕對係最好食、其次就係海膽、最後就係甜品。除咗呢三樣之外，其他嘢根本就係一般到唔好食，龍蝦湯嚟到之後，我同我女朋友都笑咗，個龍蝦size 大概正常人手指尾第一節咁，魚就普通、豬就好難食。。好硬，擺盤好核突。第一次食一間餐廳會打負評，雖然你話價錢話貴唔貴，但係如果比呢個價錢可以有更加多好嘅選擇。