影片
更多
2016-05-25
536 瀏覽
20/5係我同老婆結婚紀念日，老婆話想食象拔蚌，上網Search呢間既加拿大象拔蚌做緊$488一條，於是早2日（18/5）打電話去Book枱，同查詢象拔蚌價錢及存貨，聽電話職員態度親切回覆：「哈哈哈，我地自己有漁缸養住D象拔蚌，唔使Book架喇，放心啦，價錢都係$488，到時見啦。」於是，20/5準時同老婆去到，打算食返餐好架啦，一座低見環境已經唔係好好，個漁缸亦唔見任何新鮮象拔蚌，但係打算可以同老婆慳慳地平就無所謂啦，之後問問老闆，老闆以不純正既廣東話：「哦，我記得你，早兩日打黎要象拔蚌丫麻，唔好意思，而家休漁期，返唔到D加拿大象拔蚌，不過唔緊要，而家有D加洲魚拔蚌，仲好會食過加拿大果D。」我問大約幾錢條，老闆答我：「好大條好好食架，仲好食加拿大象拔蚌，$888蚊條炸。」我其實專登同老婆黎食象拔蚌，但係突然間變左價錢，就表示想走，但係老闆話：「算啦算啦，照$488俾半條你啦。」我好奇問下一條大約幾多斤，佢話：「總之夠晒你地兩個人食。」為免破壞紀念日氣氛，就叫以$488左半條，結果…呢個圖係我地兩公婆每人食左一片之後影既，除左切得簿無可簿之外，難得既係雪到好硬好硬，硬得黎又唔係爽口果度
於是，20/5準時同老婆去到，打算食返餐好架啦，一座低見環境已經唔係好好，個漁缸亦唔見任何新鮮象拔蚌，但係打算可以同老婆慳慳地平就無所謂啦，之後問問老闆，老闆以不純正既廣東話：「哦，我記得你，早兩日打黎要象拔蚌丫麻，唔好意思，而家休漁期，返唔到D加拿大象拔蚌，不過唔緊要，而家有D加洲魚拔蚌，仲好會食過加拿大果D。」我問大約幾錢條，老闆答我：「好大條好好食架，仲好食加拿大象拔蚌，$888蚊條炸。」我其實專登同老婆黎食象拔蚌，但係突然間變左價錢，就表示想走，但係老闆話：「算啦算啦，照$488俾半條你啦。」我好奇問下一條大約幾多斤，佢話：「總之夠晒你地兩個人食。」為免破壞紀念日氣氛，就叫以$488左半條，結果…
呢個圖係我地兩公婆每人食左一片之後影既，除左切得簿無可簿之外，難得既係雪到好硬好硬，硬得黎又唔係爽口果度神奇，我去日式食放題既北寄貝仲好食過佢多多聲，如果攞$488去日式放題食北寄貝，相信可以食到嘔。當時同老婆已經無晒氣氛…算數，當俾你欺騙左$500，為左挽回小小氣氛，就叫左碟$288既頂級手切牛食下，結果…
千其唔好俾佢外表欺騙，佢表面上係一碟牛肉，實際上，都係一碟牛肉，不過係牛展啫，真係好難搵到一碟咁似手切牛既牛展，食落連一碟普通乾炒牛河既牛肉都不如…之後繼續食，生菜…超細碟黃甘甘，水餃…超級咸，而當時食到氣氛已經低無可低，加上飲左一支內地版既青島，我已經食到斷左片，無錯，係食到斷左片，再食左乜已經唔記得，亦無心情再映相了…埋單，$13XX，好似無食過野咁，唔係…係衰過無食野。
總括，如果唔係對呢間誠信有問題，食物質素與價錢完全不成正比既餐廳非常不滿，我絕對不會獻出我人生大約一小時間的寶貴時間，去寫第一篇食評。在此希望各位能夠慎重考慮，做多點Research才決定是否光顧此店。
張貼
