影片
更多
2023-06-29
156 瀏覽
近呢幾年都特別中意食半自助餐，因為剩係個沙律吧任食都已經夠我過足口癮👀 知道到位於尖沙咀嘅「茴香 FENNEL」正正有個精美嘅沙律吧，一於嚟呢度食飯先😋餐廳位於尖沙嘴鬧市，店內裝修時尚優雅、風格座位舒適、環境潔淨，室內有冷氣，想有情調啲又可以揀露天位😉開始入夜時會見到個天粉粉藍藍咁好靚💖「茴香 FENNEL」將充滿活力嘅泰菜以及西方經典菜餚嘅亮點融合埋一齊，無論想同朋友食飯、見客、食個快餐，甚至飲杯雞尾酒，佢哋嘅菜單都能夠滿足各種口味同場合嘅需求。是日餐湯：南瓜湯入口係濃濃嘅南瓜香+淡淡嘅奶油味，絲滑軟糯嘅口感絲絲入扣，每一啖都滋潤我嘅味蕾，配埋香脆蒜蓉包一齊食，簡直係完美嘅搭配🫡精美沙律吧精美沙律吧係自助形式，有多款不同嘅芝士及冷盤，例如香橙紅菜頭沙律、燈籠腸、三文魚脆脆、番茄水牛芝士、泰式鳳爪沙律，仲有蟹腳！每款都非常新鮮～相對於自助餐，咁樣半自助嘅形式提供更高質量嘅主菜，又能兼顧大食量者食得飽，對於重視食材嘅朋友係一種好好嘅用餐形式✔️美國西冷配薯菜及燒汁高端嘅食材往往只需要最簡單嘅烹飪手法，講緊嘅係呢一份原汁原味嘅美國西冷！西冷嘅肉筋經過簡單嘅煎烤後散發出迷人嘅油脂香味，切開時瞬
近呢幾年都特別中意食半自助餐，因為剩係個沙律吧任食都已經夠我過足口癮👀 知道到位於尖沙咀嘅「茴香 FENNEL」正正有個精美嘅沙律吧，一於嚟呢度食飯先😋餐廳位於尖沙嘴鬧市，店內裝修時尚優雅、風格座位舒適、環境潔淨，室內有冷氣，想有情調啲又可以揀露天位😉開始入夜時會見到個天粉粉藍藍咁好靚💖「茴香 FENNEL」將充滿活力嘅泰菜以及西方經典菜餚嘅亮點融合埋一齊，無論想同朋友食飯、見客、食個快餐，甚至飲杯雞尾酒，佢哋嘅菜單都能夠滿足各種口味同場合嘅需求。
是日餐湯：南瓜湯
入口係濃濃嘅南瓜香+淡淡嘅奶油味，絲滑軟糯嘅口感絲絲入扣，每一啖都滋潤我嘅味蕾，配埋香脆蒜蓉包一齊食，簡直係完美嘅搭配🫡
精美沙律吧
精美沙律吧係自助形式，有多款不同嘅芝士及冷盤，例如香橙紅菜頭沙律、燈籠腸、三文魚脆脆、番茄水牛芝士、泰式鳳爪沙律，仲有蟹腳！每款都非常新鮮～相對於自助餐，咁樣半自助嘅形式提供更高質量嘅主菜，又能兼顧大食量者食得飽，對於重視食材嘅朋友係一種好好嘅用餐形式✔️
美國西冷配薯菜及燒汁
高端嘅食材往往只需要最簡單嘅烹飪手法，講緊嘅係呢一份原汁原味嘅美國西冷！西冷嘅肉筋經過簡單嘅煎烤後散發出迷人嘅油脂香味，切開時瞬間肉香撲鼻～另外火候拿捏得幾好，切開牛肉呈粉嫩色，肉質帶點嚼勁，入口瘦而不柴，亦保留到牛肉原本嘅紋理同肉質口感！不得不說係薯菜都好好食！脆皮金黃嘅薯仔帶有軟軟糯糯綿密嘅口感，仲有一陣獨特嘅焦香味，出色😙
阿根廷紅蝦扁意粉配青檸紅蝦他他
不得不說阿根廷紅蝦真係蝦類嘅天花板😂蝦肉又嫩又鮮又彈，感覺阿根廷紅蝦嘅所有精華都融入曬去醬汁入面，可以話係將紅蝦嘅價值發揮到最高水準，因為蝦味極為濃烈🦐比起傳統意粉，我更加中意扁意粉，每條意粉都被紅蝦醬汁包裹住，鮮香無比；青檸嘅微酸令紅蝦他他嘅口感層次更豐富，紅蝦蝦肉香甜Q彈，推薦😆
當日叫嘅「Premium set for two」除咗有主菜、是日餐湯及同任食沙律包之外，更可享特飲半價😉「茴香 FENNEL」主打一系列Cocktail同Mocktail，眼見現場每檯食客都飲緊唔同造型嘅飲品，我哋都叫返兩杯試吓先👈
少女心事 (Mocktail)
👉Rose strawberry and grapefruit soda
係夢幻粉色系嘅無酒精飲品，杯面有一串甜美爆汁嘅荔枝果肉，而喺杯邊嘅玫瑰花瓣之香氣更為Mocktail增加幾絲浪漫感覺。入口酸酸甜甜，淡淡嘅玫瑰花香混合咗果香嘅清新，帶來顏值同味蕾嘅雙重享受✨
泰Baileys (Cocktail)
👉Baileys, Thai Milktea
係以泰式奶茶做基底嘅Cocktail，裝喺一個玻璃樽入面俾你倒落杯到飲，好有儀式感。泰式奶茶味道都幾濃郁，雖然滲入咗酒精，但完全冇影響風味，口感醇厚中帶點順滑，另外波波冰都係有味嘅，咁就唔駛擔心味道會愈飲愈淡。
總括嚟講，個人覺得覺得環境真係好加分💯無論室內定室外都各有特式✨無論係一家人、情侶、朋友，定係同事都可以嚟呢度聚餐，喺尖沙咀又猶豫去邊度食飯嘅時候，茴香 FENNEL就係滿足各種需求嘅最佳選擇🍴
張貼
