影片
更多
2023-11-16
34 瀏覽
😍見到呢間拉麵店個名同門面已經吸引咗我去試叫【朝日大勝 A V ラーメン】係尖沙咀同佐敦中間位置有點偏，但一定係值得嚟食👍🏻👍🏻店鋪以AV做主題，入面好多字句同公仔都係AV片出現過，右面仲貼咗日本街景，好有特色！環境已經好好J，食物都係高水準，完全係驚艷到我🔸白鳥湯拉麵 $118呢款係雞肉拉麵，個雞肉煮到好淋，唔好睇佢白雪雪咁，係好淋好淋！裡面仲有個溏心蛋好正，另外個湯底都係讚口不絕，超濃超杰嘅雞湯，我係日本食過，估唔到香港到食，讚👍🏻呢個價錢絕對係抵食～麵質有軟、正常、硬，我揀咗正常🔸春貝湯拉麵 $118呢款係蜆肉湯底，超清甜，甜到我成碗都飲晒！D蜆係好大粒好乾淨，無沙嘅！仲有2粒扇貝，幾大粒～拉麵麵質都係符合預期，我揀咗偏硬，麵質都係屬於偏硬，非常好🔸小鋼炮雞卷 $38呢款好搞笑，外型完全係男士重要部位，超有玩味🤭唔係除咗得個樣，食落口都好好味！外面炸到好脆，裏面雞肉好Juicy🔸唐揚大廣島蠔（2隻）$48呢個好超大隻，而且勁有蠔嘅新鮮海水味，第一次食到咁多水嘅蠔，超surprise~🔸宮崎人南蠻雞（4件）$48店主話呢款唔係食個雞脆唔脆，係食個雞嘅嫩滑同埋自家製醬料，個醬係沙律醬
叫【朝日大勝 A V ラーメン】係尖沙咀同佐敦中間
位置有點偏，但一定係值得嚟食👍🏻👍🏻
店鋪以AV做主題，入面好多字句同公仔都係AV片出現過，右面仲貼咗日本街景，好有特色！
環境已經好好J，食物都係高水準，完全係驚艷到我
🔸白鳥湯拉麵 $118
呢款係雞肉拉麵，個雞肉煮到好淋，唔好睇佢白雪雪咁，係好淋好淋！裡面仲有個溏心蛋好正，另外個湯底都係讚口不絕，超濃超杰嘅雞湯，我係日本食過，估唔到香港到食，讚👍🏻
呢個價錢絕對係抵食～麵質有軟、正常、硬，我揀咗正常
🔸春貝湯拉麵 $118
呢款係蜆肉湯底，超清甜，甜到我成碗都飲晒！
D蜆係好大粒好乾淨，無沙嘅！仲有2粒扇貝，幾大粒～拉麵麵質都係符合預期，我揀咗偏硬，麵質都係屬於偏硬，非常好
🔸小鋼炮雞卷 $38
呢款好搞笑，外型完全係男士重要部位，超有玩味🤭
唔係除咗得個樣，食落口都好好味！外面炸到好脆，裏面雞肉好Juicy
🔸唐揚大廣島蠔（2隻）$48
呢個好超大隻，而且勁有蠔嘅新鮮海水味，第一次食到咁多水嘅蠔，超surprise~
🔸宮崎人南蠻雞（4件）$48
店主話呢款唔係食個雞脆唔脆，係食個雞嘅嫩滑同埋自家製醬料，個醬係沙律醬加上洋蔥粒，比其他店嘅醬特別！
🔸樽裝冷泡茶 $12
呢款茶都係自家製嘅，唔好睇佢個茶顏色淡淡，但其實都好濃好香！
🔸汽水 $15
呢度有可樂雪碧等等嘅汽水可以選擇
店鋪空間唔算大，有3張二人枱同一張bar枱，繁忙時間有機會要等！但係食物加上環境，10分值得嚟打卡，推薦👍🏻👍🏻
張貼
