隠家拉麵工場 (已結業)

N年無黎西九龍，朋友提意去呢度食<<隱世沾麵>>，佢強調咗好多次呢度性比價高，佢認為呢度係香港最好食同最抵食嘅沾麵，所以一行4人就去～黎到無諗過係咁多格仔鋪後面竟然有呢間餐廳，已見到有一條龍排緊隊，等大約唔洗30分鐘(因間鋪幾細，要4個人一齊坐霸哂一張枱，所以會耐過等一兩個人嘅位)～我地黎個日好好彩，咁啱係餐廳嘅包剪槌對決日子，係我等緊時老闆走出黎同每一個人猜包剪搥(所以你唔會覺得等好耐)，猜贏會送一個小食或飲品，老闆好好人猜之前同每一個人講定佢出乜，擺明送俾你人人有份～朋友再繼續同我地介紹佢嘅至愛，佢話白伝係豬骨湯，黑伝係蒜油，赤伝係蕃茄；佢最鍾意白伝，我地第一次黎都係揀白伝原味試下先～黎之前自己無抱任何期望，無諗過一送到黎已聞到好香！！ $78有哂溏心蛋，义燒，紫菜同荀，唔洗再逐樣加錢，真係好抵！！ (因出面食一碗拉麵都起碼一百蚊)；好搞笑個紫菜都印住"隠家"，一試一啖已覺得好好好好好味！！再望牆嘅指示話記住要加昆布醋，加完之後更正，兩個層次，咸同醋味道更分明！！個溏心蛋真係好正宗好掂嘅溏心蛋，一咬仲流緊出黎，同埋好入味！！再加埋個溏心蛋簡直好完滿，