世華餐廳

營業中

休息中

今日十二點幾到尖沙咀。想食下扒類，樓下既酒吧要$120-$180 午餐。所以揾下有無平平地既。諗諗下之前黎過世華食晚飯，不如今日就試下佢地既午餐啦。午餐牌既種類超多。朋友叫左乾炒牛河。我叫左雞扒司華力腸。每樣午餐都有配餐湯。四五十蚊個午餐，響尖沙咀，有湯、主菜同埋茶。我覺得抵食。唯一壞處係要加一。乾炒牛河落足料，牛肉唔算小，最緊要係唔多油。食完隻碟都無話成碟油。呢度有牙菜、韭黃同蔥，但就好似無洋蔥。珍寶腸得半條，唔太好味！雞扒外脆內juicy, 有肉汁。薯菜同上粗薯條，感覺高級一點。