影片
更多
2020-12-23
271 瀏覽
深秋嘅一個平日同朋友入南丫島行下、吹下海風、食下海鮮。今次選擇由索罟灣行返去榕樹灣，貪回程船期比較密，所以我哋嘅午間海鮮餐就喺索罟灣食。可能係平日嘅關係，得兩間海鮮餐廳有開，今次就入咗去呢間(因為另外一間之前食過)。得兩個人其實食唔倒啲乜，但係餐廳都有五六款二人餐可以揀。我哋叫咗個餐有避風塘蝦，啲蝦殼脆到可以食埋落肚，又夠味道。椒鹽鮮魷，熱辣辣，配埋餐廳整嘅醬汁，酸酸甜甜仲好味。因為我哋掛住傾計同睇風景，老細行咗嚟幾次「吩咐」我哋趁熱食。蒜蓉粉絲蒸元貝，元貝勁細粒囉！而且有別於平時食閞嘅，竟然係無淋豉油同熟油。店家話啲粉絲已經調晒味，唔使加喎蒜茸白菜係烚嘅，我反而幾鍾意，而且菜本身好甜，好味道。最後一味係炒飯，無乜料，只有雜菜，但好夠味，清晒成碟
可能係平日嘅關係，得兩間海鮮餐廳有開，今次就入咗去呢間(因為另外一間之前食過)。得兩個人其實食唔倒啲乜，但係餐廳都有五六款二人餐可以揀。
我哋叫咗個餐有避風塘蝦，啲蝦殼脆到可以食埋落肚，又夠味道。
椒鹽鮮魷，熱辣辣，配埋餐廳整嘅醬汁，酸酸甜甜仲好味。因為我哋掛住傾計同睇風景，老細行咗嚟幾次「吩咐」我哋趁熱食。
蒜蓉粉絲蒸元貝，元貝勁細粒囉！而且有別於平時食閞嘅，竟然係無淋豉油同熟油。店家話啲粉絲已經調晒味，唔使加喎
蒜茸白菜係烚嘅，我反而幾鍾意，而且菜本身好甜，好味道。
最後一味係炒飯，無乜料，只有雜菜，但好夠味，清晒成碟
張貼
