營豐海南雞專門店 (駱駝漆大廈第一座)

營業中

休息中

呢間海南雞飯剩係得外賣冇得堂食，不過已經食過幾次。本身可能雞飯仲包個湯，仲有車厘茄同薑蓉，不過自己唔食，就叫咗餐廳唔使俾我，所以個飯盒冇其他人咁靚。飲得出呢間海南雞飯送個湯唔係味精湯，係真係用心煲，今次係蕃茄湯，好香蕃茄味，飲完唔會頸渴。海南雞飯係脫骨海南雞，餐廳已經起咗骨，海南雞好嫩滑，個皮都好爽口，雞飯都好入味。餐廳送個辣汁好好食，攞嚟送飯停唔到會食吓食吓食晒成個飯。雖然餐廳冇得堂食，不過拎返屋企外賣都唔錯，有試過放隔夜，第二日再翻熱，都好好食。