影片
更多
2018-11-30
73 瀏覽
火鍋黎講寶哥真心不錯，無論衛生環境食物質素都對得住價錢有突，無限時任食價錢仲要只係$188-288，慢慢坐食到飽完全無人趕的感覺係普通任食的火鍋店真係搵唔到。唔同價錢的set有唔同份量的高質牛肉，魚生同海鮮，份量為人口定，其餘所有野食野飲都任叫。今次食$238set，湯底選了猴頭菇鯊魚骨湯，湯頭鮮甜補身，加入多種中藥材，真材實料，食物經過上湯，不用調味都能帶出鮮味。首先跟餐的有和牛刺身拼盤，有wasabi同日本醬油，頭盤來說都幾新鮮，刺身連赤貝都有，食落爽甜一d都唔腥。海鮮拼盤有蜆，蠔，蝦，龍躉魚片等等，龍躉魚片好滑無骨，入口即溶。蠔同蜆都好大隻同肥美，整體來說海鮮都算新鮮，唔係任食但都抵食。靚牛拼盤名乎其實，封門牛柳真係好高質好靚，新鮮鮮味十足不特只，牛味仲好濃，係濃而不羶，剛好熟的時候食更是香滑。手打的三寶丸特別彈牙，味道香濃爽口，出色得好似食緊鮮蝦/鮮墨魚，鮮甜軟軟，無得任食實在太可惜。食完跟餐的食物就可以瘋狂剔紙食到飽了，款式都好多，奈何眼闊肚窄，只好選喜歡的來吃。墨汁墨丸雖然無手打的爽彈，味道依然香濃，彈牙可口。魚蛋一樣，如名稱般是必試之選，魚香，不是普通魚蛋般粉。美國肥牛沒
火鍋黎講寶哥真心不錯，無論衛生環境食物質素都對得住價錢有突，無限時任食價錢仲要只係$188-288，慢慢坐食到飽完全無人趕的感覺係普通任食的火鍋店真係搵唔到。
唔同價錢的set有唔同份量的高質牛肉，魚生同海鮮，份量為人口定，其餘所有野食野飲都任叫。
今次食$238set，湯底選了猴頭菇鯊魚骨湯，湯頭鮮甜補身，加入多種中藥材，真材實料，食物經過上湯，不用調味都能帶出鮮味。
首先跟餐的有和牛刺身拼盤，有wasabi同日本醬油，頭盤來說都幾新鮮，刺身連赤貝都有，食落爽甜一d都唔腥。
海鮮拼盤有蜆，蠔，蝦，龍躉魚片等等，龍躉魚片好滑無骨，入口即溶。蠔同蜆都好大隻同肥美，整體來說海鮮都算新鮮，唔係任食但都抵食。
靚牛拼盤名乎其實，封門牛柳真係好高質好靚，新鮮鮮味十足不特只，牛味仲好濃，係濃而不羶，剛好熟的時候食更是香滑。
手打的三寶丸特別彈牙，味道香濃爽口，出色得好似食緊鮮蝦/鮮墨魚，鮮甜軟軟，無得任食實在太可惜。
食完跟餐的食物就可以瘋狂剔紙食到飽了，款式都好多，奈何眼闊肚窄，只好選喜歡的來吃。墨汁墨丸雖然無手打的爽彈，味道依然香濃，彈牙可口。魚蛋一樣，如名稱般是必試之選，魚香，不是普通魚蛋般粉。
美國肥牛沒有太肥，肥瘦程度不錯，紅潤的肥牛都幾新鮮，薄切火鍋必備的食材。
連皇帝菜都有，同一款菜叫了2次，菜都會預先處理切左菜頭，乾淨衛生，而且新鮮可口。
鯇魚鮫係比較少見的食材，好滑，唔算腥，煮熟了的鮫骨居然有點甜。
中意響鈴的朋友不能錯過，現炸響鈴特別香脆，豆香味十足，面且非常大條，味覺同視覺上享受，同一般現成響鈴無得比。
任食食材連竹笙都有，又係好新鮮，平時係譚仔食要加$2架，係度要食多d啦。
大八爪魚鬚真係好大條，粗過同長過手指，爽口不粘牙。
寶哥都真係算多偏門食材，鵝腸唔腥爽脆，感覺上幾乾淨。黑毛豬帶點雪花，口感唸得黎又唔肥，其實瘦肉成份比較高。
野飲方面，各種汽水同啤酒都係任飲，酸梅湯同竹蔗茅根仲可以成jar拎返自己枱慢慢飲，好方便。
張貼
