漁品酸菜魚火鍋放題 (已結業)

電視廣告效應吸引我地今晚專程黎大圍漁品大吃一番, 餐廳平日晚都好full, 還好朋友醒目, 預先book位, 可以順利安排入座。抗疫措施做得唔錯, 有圍版做阻隔, 入座後會送上一盤滾水比我地過碗消毒。設醬料、飲品、雪糕自助區, 必需戴口罩方可自取。無限時任飲任食, 唔洗click紙仔落order, 食物會陸續送上,刺身 (不設任食)魚類刺身都係厚切, 帆立貝大大粒好鮮, 生蠔唔夠肥美, 而最令人驚喜就係海膽鮮甜唔腥, 入口即溶。前菜四款: 其中一款無骨鳳瓜唔錯, 有軟骨相連, 爽脆有少少辣, 幾開胃。 先自選魚類: 我地揀左酸菜魚 (可無限追加)冇辣度選擇, 但味道岩返香港人口味, 唔會係勁多辣椒好辣果種,睇湯底好似幾清, 但個湯都帶小小辣, 魚好滑好林, 不過都幾多骨。仲有少少粗薯粉食。自選湯底: 揀左胡椒豬肚湯底湯底望落好清, 豬肚唔多, 滾起都聞到有胡椒香,刺身併盤 (一次性): 鮑魚爽口彈牙, 蜆冇沙, 蝦鮮味, 帶子大大隻, 不過青口質素偏差。火鍋配料任食:蔬菜籃、響鈴、魚皮、餃子、魚皮餃、兩款手打迷你丸、牛肉、豬肉蔬菜很清甜響鈴、魚皮比較失望, 沒有脆口, 潮左~魚皮餃唔錯