熊本牛鍋 (永勝商業中心)

營業中

休息中

熊本牛鍋價錢💲: $268好味程度😋: 3/5服務🍴: 3.7/5環境🗾: 3/5性價比🥢: 4/5回頭率😚: 3/5-天氣熱都無阻打邊爐。今次呢間任食竟然係無限時😱即係傾足成晚都可以一路食！雞煲、打卡送海鮮再打邊爐，食到超飽。而家叫皇牌套餐或者和牛套餐都有二人同行一人半價。估唔到係商業大廈入面都幾多人食。-🆗雞煲。雞肉的肉質唔會好柴。超多醬汁包裹住，味道有d鹹。食啲洋葱個啲就有蔬菜的甜味中和一下。-✅蒸海鮮。咁多種都新鮮既，帶子同蠔都大隻又肥美😋中意啲蠔的肚位好飽滿。另外蝦雖然唔係好大隻，但肉質彈牙。仲有一款貴妃蚌咁，幾鮮甜冇沙。-✅火鍋。加左錢轉蕃茄湯，果然好足料，裏面有好多🥔，🍅都已經煲到爛晒☺️ 淥啲牛肉落去唔洗點豉油都夠味！頂級牛小排同牛肩胛都好正，色澤紅潤，唔會好多肥膏😬 牛肩胛比較瘦，食落都唔會好鞋。牛小排油花分佈平均又適中，入口軟嫩有牛味，好高質🥳而配料我會推薦啲丸餃類、菜類。韭菜餃、餛飩等都新鮮大粒，個樣唔錯。另外仲有牛舌！呢個配🍅湯都好夾。-還可以的任食，賣點係抵食？冇限時同埋啲牛肉都唔錯🤣 其他方面就要將就下。如果想可以坐足一晚的，就去試試啦。