影片
更多
2021-05-17
119 瀏覽
母親節正日出街食飯實好多人所以寧願提早馬拉松式咁出街食飯慶祝；之前食過呢個集團喺尖沙咀嘅西餐廳覺得質素幾好今次試埋位於旺角嘅串燒店極上清酒雞尾酒任飲俾埋服務費兩舊水都唔使可以無限時任飲紅酒、白酒、清酒、汽酒同雞尾酒真心勁抵；個人覺得食串燒最啱配清酒而喺呢度淨係清酒都有二十幾款選擇好爽；餐牌仲根據香氣強弱同口感濃淡將每款清酒分成薰、爽、醇、熟四大類別去幫助新手揾到啱自己口味嘅清酒超級貼心大杯裝汽水唔鍾意飲酒嘅可以叫大杯裝汽水飲；三十蚊左右就有成公升咁多可以飲成餐飯海鮮十幾款海鮮全部勁平連最貴嘅燒油甘魚鮫都唔使八十蚊而且肉質肥厚細嫩加上油脂豐腴簡單鹽燒已經足夠甘香澳洲龍蝦尾更加只係五十蚊左右食落啖啖肉夠哂彈牙；或者平平地食條燒魷魚都唔錯㗎焗海鮮軍艦焗海鮮軍艦有齊日本廣島蠔、北海道大元貝同阿根廷虎蝦而且仲有四款口味包括柚子醬、蒜蓉、黑松露、明太子可以選擇；選擇困難症想乜都試吓嘅話不妨叫份食豬肉豬肉得燒豬頸肉同燒自家製滷水大腸兩款但都超正尤其係燒豬頸肉厚切緊緻彈嫩而且肥瘦相間真心推薦牛肉燒日本和牛粒同燒頂級牛小排串都幾唔錯不過個人嚟講都係偏愛燒牛舌貪佢口感爽嫩得嚟肉味又夠香濃羊肉 燒羊架可以單
極上清酒雞尾酒任飲
俾埋服務費兩舊水都唔使可以無限時任飲紅酒、白酒、清酒、汽酒同雞尾酒真心勁抵；個人覺得食串燒最啱配清酒而喺呢度淨係清酒都有二十幾款選擇好爽；餐牌仲根據香氣強弱同口感濃淡將每款清酒分成薰、爽、醇、熟四大類別去幫助新手揾到啱自己口味嘅清酒超級貼心
大杯裝汽水
唔鍾意飲酒嘅可以叫大杯裝汽水飲；三十蚊左右就有成公升咁多可以飲成餐飯
海鮮
十幾款海鮮全部勁平連最貴嘅燒油甘魚鮫都唔使八十蚊而且肉質肥厚細嫩加上油脂豐腴簡單鹽燒已經足夠甘香
澳洲龍蝦尾更加只係五十蚊左右食落啖啖肉夠哂彈牙；或者平平地食條燒魷魚都唔錯㗎
焗海鮮軍艦
焗海鮮軍艦有齊日本廣島蠔、北海道大元貝同阿根廷虎蝦而且仲有四款口味包括柚子醬、蒜蓉、黑松露、明太子可以選擇；選擇困難症想乜都試吓嘅話不妨叫份食
豬肉
豬肉得燒豬頸肉同燒自家製滷水大腸兩款但都超正尤其係燒豬頸肉厚切緊緻彈嫩而且肥瘦相間真心推薦
牛肉
燒日本和牛粒同燒頂級牛小排串都幾唔錯不過個人嚟講都係偏愛燒牛舌貪佢口感爽嫩得嚟肉味又夠香濃
羊肉
燒羊架可以單件點但個人建議兩件咁嗌因為有優惠都真係抵唔少而且肉質柔軟又唔羶
雞肉
雞肉係咁多款肉類入邊選擇最多嘅；燒雞髀肉十零蚊串好抵食；燒火雞腎口感爽脆；鹽燒雞翼肉質嫩滑油潤真係我最鍾意食
菜類
食太多肉想食啲蔬菜消下膩嘅話都有好多款揀；燒菠蘿同燒日本金薯都勁香甜；絕對必點孜然蒜蓉茄子辣辣地咁真心惹味
炸物
吉列炸蠔金黃酥脆蠔肉飽滿咬開仲有少少爆汁；味椒鹽炸雞軟骨咬落卜卜脆佐酒啱哂
鍋物
食完咁多串燒炸物想食啲熱湯類嘅嘢可以考慮叫個壽喜燒野菜頂級小肥牛鍋暖下胃
張貼
