醉翁亭火鍋館 (已結業)

有位外國返黎嘅朋友仔，飯聚實有排吹水，可惜依家好多地方都限時交枱，未能盡興~於是我哋揀咗醉翁亭，無限時任食都係二百幾蚊位，食物質素都唔錯啊~~ 餐前小食可以自己夾，有青瓜、泰式鳳爪、炒蝦等，不過味道麻麻，留肚打邊爐好過。我哋怕會太飽，冇揀雞煲，揀咗清清地嘅瑤柱冬瓜湯底（唔記得影相），估唔到都有幾多瑤柱，不錯。每位仲會送份刺身、牛肉、海鮮拼盤同埋燜花膠，份量好多，未食任叫嘅嘢食其實都開始飽。任食嘅食物就普通啲，任飲亦只得紙包飲品，不過可以坐咁耐，都算抵嘅~