相馬日式火鍋 (已結業)

朋友send咗｛相馬｝無限時放題嘅相俾我，一個價錢就有雞煲、海鮮蒸鍋、火鍋任食，真係好吸引👀而且仲有啤酒、飲品、雪糕任飲任食，點可以唔去呢😆雞煲⋯⋯一上枱就已經聞到香噴噴👃🏼雞煲嘅汁好入味，每件雞肉都被醬汁包住，惹味到爆💥海鮮蒸鍋⋯⋯多款海鮮鋪滿整個蒸鍋，連蟶子、鮑魚、帆立貝都有，肉質爽彈甜美，食得出大海嘅滋味🌊火鍋⋯⋯ 除咗牛之外，優質豚肉都非常好食👅充滿油香好柔軟，食咗好多碟😆如果頭先嘅海鮮蒸鍋唔夠喉，可以再叫啲海鮮食，都一樣新鮮🌊小食⋯⋯有即叫即炸嘅炸物🔥炸蝦、炸丸、炸餐肉、炸春卷，種類多到數唔哂，一定有嘢啱你心水😆