蘇媽.蘇媽馬來西亞茶餐室 (已結業)

蘇媽蘇媽我已經食過好多次，佢唔同既分店我都有去過🙈🤣餐牌上既野好多都食過🤣食物平均質素都唔錯，而且價錢唔算貴，所以好似次次去食都要排隊。 1️⃣怡寶雞絲湯貴刁（河粉）（$58）湯底係清清地既雞湯，但係略鹹😬配料有魚片、蝦、韭菜、芽菜、雞絲。魚片幾彈牙，蝦就應該係急凍蝦黎，食落冇乜味。雞絲唔係好幼細既果種，冇雞皮啖啖肉，但係就偏乾左啲。整體食落算係比較清淡😌但係個人會鍾意佢既叻沙同蝦麵多啲。  2⃣️椰香咖央多士（$32）好好食😋呢個咖央多係我每次黎親蘇媽都一定會叫既。多士表面烘得好脆好脆，食落咔咔聲，入面既咖央醬比得夠多，每一啖都可以食到啲咖央醬，食落甜甜地好正🤤  3⃣️辣死你嗎配仁噹牛肉（$62）呢個都係我去蘇媽食既時候好鍾意叫既野食，配料好多好豐富，有蝦片、花生、乾魚仔、參巴醬、蛋、青瓜。牛肉既份量都好多，煮得夠淋夠入味👍配埋椰漿飯食一流。  4⃣️馬來西亞拉茶（$17）拉茶黎到既時候面頭好多泡，感覺好正宗馬來西亞feel😚飲落幾滑而且奶味香。