影片
更多
2014-04-13
3591 瀏覽
若果經過中環至半山自動扶手電梯,都會留意到士丹頓街斑馬線側邊有間紅色外牆酒吧及餐廳,十分容易辨認,開放式外觀,向住自動扶手電梯一邊係打開窗,路人可以望到店內情況,而坐o係酒吧餐廳內食客又可以望出去乘搭扶手電梯上山o既人,感覺幾特別,呢間餐廳專做英國菜,聽講係英國人開辦早前見到網站有團購優惠,精緻英式漢堡套餐包括英式正宗漢堡,薯條及汽水,當中特別之處係任食薯條及任飲汽水,以前經過見到呢間酒吧餐廳,都有興趣日後入內一試,若果以酒吧消費黎講,今次價錢又幾實惠,所以我就買左團購 coupon,我都明白團購優惠有較多限制,見到酒吧餐廳分左下午茶時段 (2:30pm-5:30pm) $48, 午市 (11am-2pm) $58 及晚市 (6pm-11pm) $68 三個價錢,套餐o既野係一模一樣,我就選左星期六或星期日下午茶時段食漢堡包薯條啦去 Yorkshire Pudding 係要同侍應講英文,雖然佢地叫大家電話預約,為免大家語言不通,引起誤會約錯時間,留錯名又或者留錯電話號碼冇得食,我就搵日放工專程去預約,咁就最穩陣! 星期六或星期日呢o的好多人唔洗返工返學時間一定多人預約,所以我係唔能夠選
早前見到網站有團購優惠,精緻英式漢堡套餐包括英式正宗漢堡,薯條及汽水,當中特別之處係任食薯條及任飲汽水,以前經過見到呢間酒吧餐廳,都有興趣日後入內一試,若果以酒吧消費黎講,今次價錢又幾實惠,所以我就買左團購 coupon,我都明白團購優惠有較多限制,見到酒吧餐廳分左下午茶時段 (2:30pm-5:30pm) $48, 午市 (11am-2pm) $58 及晚市 (6pm-11pm) $68 三個價錢,套餐o既野係一模一樣,我就選左星期六或星期日下午茶時段食漢堡包薯條啦
去 Yorkshire Pudding 係要同侍應講英文,雖然佢地叫大家電話預約,為免大家語言不通,引起誤會約錯時間,留錯名又或者留錯電話號碼冇得食,我就搵日放工專程去預約,咁就最穩陣! 星期六或星期日呢o的好多人唔洗返工返學時間一定多人預約,所以我係唔能夠選到心儀時間,冇得o係之後幾日食,唯有約定之後一個星期六o既 2:30pm時段啦!
星期六當日下午黎到酒吧餐廳,我係比預約時間早少少到達,通知侍應後就安排我坐o係 bar 枱前座位,之後陸續見到其他享用團購優惠o既客人,佢地都係被安排bar 枱前面座位
呢個套餐只係需要大家選擇飲邊款汽水,我要左可樂,隔左一陣就見到店員用支槍噴o的汽水落啤酒杯,估唔到杯汽水咁大杯,好似仲大杯過麥當勞大汽水添,唔知平時黎酒吧飲汽水係唔係咁大杯呢? 估唔到呢杯可樂加左一舊檸檬,令人欣慰! 話明係汽水任飲,咁大杯汽水我實飲得晒,只係諗緊有冇需要再添加
侍應拎黎一支茄汁及一支 HP Sauce, HP Sauce 以前冇用過,當日只係試左落少少,係一款用作鹹點o既調味醬汁,呢o的醬料係要幾個團購客人一齊用架,所以大家要借黎借去,有o的麻煩
佢地出餐時間係比較慢,整一份三件細漢堡包及薯條,大約需要15分鐘,呢段等候時間我就飲下汽水,聽下酒吧餐廳播放英文歌,睇下電視球賽啦!
三個細漢堡包及薯條一齊奉上,三個包分別有水牛城香辣火雞漢堡,厚切牛柳漢堡及脆炸魚柳漢堡
薯條黎到熱辣辣,比較幼身,炸得好脆,呈啡黃色,另外有少少燶味,食第一杯薯條時覺得味道唔錯,但之後添加o個兩次味道好普通
水牛城香辣火雞漢堡內有塊生菜,o的火雞肉幾鞋,有辣度
厚切牛柳漢堡配有一塊生菜及一片蕃茄,o的牛肉幾厚,食落有筋
脆炸魚柳漢堡係三個包之中最好食,炸魚柳都算嫩滑,底下配有一塊生菜
身處紅色外牆o既 Yorkshire Pudding 食野飲汽水,好似有種置身英國酒吧o既感覺
本人幾鍾意有個大金魚缸o既設計,可以令食客睇到o的魚悠閒地游來游去,亦可以令人有較大空間感,其實金魚缸後面係洗手間及洗手盤
或者外籍侍應唔太鍾意招呼本地人及團購客人,覺得佢地比較冷淡,當日天氣較凍,又下著毛毛細雨,見到侍應要開收銀機旁邊o既電暖爐
黎食呢個團購餐o既客人有男有女,估唔到女食客都係大胃王,唔係見好就收,香港好多女性都講求健康,少飲高糖份汽水,但估唔到當日見到多位女食客都至少飲左三大杯汽水,又至少添加兩次薯條
其實我唔太覺得當日食物十分好食,就算有得添加汽水及薯條,我只係添加一次汽水及兩次薯條,雖然酒吧餐廳冇講明大家要幾時埋單走人,我坐左超過一個半小時,覺得係時間埋單走人,俾左加一服務費$5就離開
至於其他團購客人好似有種賴死唔走o既感覺,低頭望住電話上網,食下薯條,飲下汽水,唔夠又再添加,我離開時佢地都冇意欲離開,或者佢地想o係 Yorkshire Pudding 渡過整個下午
呢份精緻英式漢堡下午茶套餐食物味道一般,但係都算抵食,$53就可以o係蘇豪區任食薯條及任飲汽水,平時酒吧最低消費都要幾十蚊叫小食或飲品,日後若果再有團購優惠都會再黎試下
張貼
