鼎家喜筷 (已結業)

荃灣站📍鼎家喜筷-買唔到MC演唱會飛（暫時）唯有去aeon睇下會唔會偶遇MC😂結果當然係冇。海之戀原來有鼎家喜筷，見到有任食雞煲又去試下😋幸福雞煲90分鐘無限添（$168一位）今次要左中辣🔥🌶，恰到好處！雞煲好惹味，夠濃夠辣，店員有幫我地計時⌛️，3分鐘後岩岩好可以食，雞件幾嫩滑👍🏻一開始完全冇加水，連附送既蔬菜（金菇、娃娃菜、粟米、冬菇）都照放落去淥，結果就比較重口味😂😂😂😂雞件可以無限任添，不過每次加雞都預返少少時間，食到2/5 左右開始叫加雞等得黎就差唔多。加雞既雞件同一開始既雞件係一樣，同樣係秘製雞件，唔會係冇調味😋之後加湯同埋加料打埋邊爐🍲分別要左豬肉片（$88）、雜錦丸拼盤（$48）、響鈴（$58）、出前一丁（$18）。其實食完雞煲都幾飽下，不過總係眼闊肚窄😂😂😂仲要出前一丁係有兩個麵餅🫢飽到上心口！環境方面，店舖裝修簡潔，係牆身同天花有霓虹燈裝飾，感覺新潮。座位間隔適中，坐得舒服。