豐盛閣

營業中

休息中

假日去左挪亞方舟度假酒店玩，酒店旗下有 Harvest Beachside，網上見到餐廳最近推出「夏日至 Chill」泰式小食連兩小時無限暢飲🍻好抵食又可以和朋友暢飲一番👍🏻 無限點選炸豬皮及蝦片風味小食炸豬皮香脆美味；蝦片入口好脆，不停添加食唔停口，送啤酒一流🍻 自選泰式沙律🥗分別揀左泰式鳳爪沙律和泰式扎肉沙律沙律酸酸辣辣好滋味又醒胃，鳳爪整得很入味，相當惹味；扎肉整得剛好又唔會好淋，幾好味😋 自選泰式小食泰式豬肉丸配酸子汁和泰式炸魚餅豬肉丸配左酸子汁，帶有陣陣酸味，能減低肉的膩感，味道剛好又彈牙；而炸魚餅很香口，又唔會好脆，調配味道剛好👍🏻 🍻無限添飲之飲品有珍多冰、泰式龍眼冰、青檸梳打、朝日啤酒、青島啤酒、泰象生啤及醇滑嘉士伯生啤等等選擇。 這裡環境幾靚，可看到沙灘、青馬大橋及汀九橋的海景，吹著海風，嘆特色餐飲及泰式小食，幾有度假氣氛。如果有需要，也可轉場到室內，繼續encore暢飲。