譚仔雲南米線 (馬鞍山廣場)

營業中

休息中

要買餸煮飯，但有少少肚餓，有一間新店稱今日下午正式開張，但又未對外開放，又唔想行，所以一支箭衝入譚仔，其實我一生人係第四次幫襯譚仔或三哥嘅米線，其實我唔係好食米線，對呢類食物好反感，更加唔好話土匪鷄翼啦，更加唔會食物，點了牛肉米線加竹笙($36)3少辣(即餐牌上1隻辣椒)，再加一份蒜泥白肉(細份，$24)。碗畜牲(我好鍾意食竹笙，因為同音，所以成日都叫竹笙做畜牲)牛肉米線都算大碗，碗內仲有芽菜、腐皮同韭菜，先飲啖湯，是有辣味的，牛肉幾淋，再食畜牲，本身畜牲無味，要吸滿湯才食到有味道，最奇怪的事，我其實好喜歡食硬身粗幼油麵、米粉，但偏偏不喜歡太硬身及過淋米線，幸好今次硬度適中，所以無需要「驚青」！蒜泥白肉，先試蒜泥，嘩，辣到刺鼻，爭啲標眼水，人就這樣犯賤，越係刺鼻就越想食，配上白肉一齊食是不錯的，之後返到屋企卡卡醬問食過甚麼？個口好大陣蒜味，所以偷食要抹嘴，最好嗽埋口。