望月樓

營業中

休息中

有朋友喺呢間新嘅望月樓飲茶上載啲相， 見到咁特别嘅裝修有啲吸引， 於是約埋朋友試新嘢， 門面都幾吸引， 坐低點咗龍井茶， 茶具都幾精緻， 但係龍井茶味淡，色老， 叫咗海皇百花蟹鉗餃， 麻辣小籠包 蘋果叉燒酥， 蒜泥白肉， 最驚喜有上湯煎粉果， 滿有期望💕 一籠一個嘅 蟹鉗餃， 畀我嘅感覺就好似蝦餃 加咗一個鉗， 蘋果叉燒酥令我想起麥當勞個蘋果批🙄， 蒜泥白肉不過不失， 上湯煎粉果係令我最失望， 好記得以前舊式酒樓嘅上湯煎粉果， 粉果 點落上湯 有好香火腿老雞湯味， 而且煎粉果嘅皮薄而脆， 永遠食一隻都唔夠喉😋 但係呢一隻煎粉果除咗皮厚仲唔脆， 不過算啦可能而家呢啲新式做法係咁🤗 仲有佢個燈光比較暗， 但係佢播嘅懷舊歌就好大聲， 歌曲同燈光好似格格不入， 而且如果同朋友傾計都要比較大聲， 埋單結帳都要六百幾蚊， 值唔值就見仁見智啦!