慢煮工業 (已結業)

自己和男友都係肉食獸，聽講哩間D牛扒三明治厚肉大份，當然要黎試一試。點左一份慢煮牛扒三明治+炒蛋 同埋 慢煮雞扒沙律。等左約莫10-15分鐘就有得食，全部野都係即煎熱辣辣。賣相一流，但味道有D令人失望。牛扒非常淡味，唔夠牛味亦唔夠調味料，亦唔夠嫩，幾乎只係食到炒蛋既味道。雞扒都滑嫩juicy, 但同樣無乜驚喜...反而D菜幾新鮮，沙律汁幾好味。價錢雖然唔貴，但味道實在普通無驚喜，雖然話係慢煮，但實在唔覺有特別鮮嫩。一句到尾...唔會有興趣回頭再試。