I Love 戟 - 日式班戟專門店 (已搬遷) 新店位置

焦糖燉蛋雪糕班戟HK $32焦糖燉蛋雪糕班戟 hit 左一段時間，最近終於試左。面頭嘅焦糖好香脆，燉蛋亦滑。 焦糖燉蛋下面有層木糠粉同忌廉隔住雪糕。雪糕可以自選口味，有朱古力、雲呢嗱、曲奇、薄荷曲奇、綠茶、芒果、豆腐、極酸檸檬八款可以揀。雪糕我就揀左綠茶味。綠茶味淡，而且五知點解我食到薄荷味。班戟皮幾煙韌。焦糖燉蛋雪糕班戟依個組合都幾特別。如果想試嘅朋友要快啦，事關佢地就黎結業啦！