The Grill Room (The Humphreys)

營業中

休息中

有個理由慶祝去食好野終於可以黎呢到食，平日Book左八點半，去到仲見到坐滿大半個場，證明個熱潮仲未退。餐廳中間係開放式廚房，而左右兩旁係座位位置，以雲石配金屬嘅裝潢夠時尚，坐得又舒服，好岩姊妹們傾計好地方。服務好好，上菜速度快又會講係咩菜。野食相當有質素，特別係肉類表現好出色。兩個人叫左三樣，加一後，每人平均$300。 特色主題燒吞拿魚車厘茄杏仁片沙律 $128吞拿魚只燒到表面熟帶有燒肉嘅香味，而中間仲係生淋身，令到口感好好。沙律菜配上醋酸酸地好開胃，再加上杏仁嘅香口。 香草白酒煮青口配黑松露薯條 $198一盆大約有十五十六個青口，無腥無沙，帶有陣陣香草香味又咸咸地，加上檸檬，個鮮味更出，而且，煮得岩岩好，唔會鞋。薯條新鮮炸出，外脆內軟，黑松露好平均分布薯條上，唔會過濃過多。 炭燒豬腩肉鹽味焦糖汁配青蘋果沙律 $218 一碟有六舊，個皮好脆，肉嘅脂肪層係入口即溶，成個比焦糖汁包圍住，個焦糖汁有少少似樂家杏仁糖嘅味，入口甜甜地再配上青蘋果一齊食，多左蘋果清甜味更加好食。