幸福堂 (已結業)

幸福堂之前係香港搞到滿城風雨，經過一輪嘅爭辯之後幸福堂又再次回歸香港！今次嚟到旺角就試一試佢啦~佢哋嘅珍珠標榜係全人手去做，無任何嘅防腐劑或者添加劑！全部珍珠都係即日新鮮製作。咁啱今次嚟到見到有店員喺玻璃廚房入面搓緊粉團去製作珍珠！見到店員係搓好粉團之後再放入手作珍珠機入面！聽聞旺角店仲係全港第一間有手作珍珠幾🤤比客人睇到佢哋製作珍珠嘅工序，令到客人係飲嘅時候都安心啲👍🏻佢哋嘅黑糖珍珠係用鑊先炒黑糖，因熱度令到黑糖溶化，之後再慢慢炒香黑糖然後再加入珍珠慢慢炒而且佢哋嘅黑糖珍珠鮮奶面上有一層薄薄的奶蓋，灑上黑糖粉...然後用火槍燒焦黑糖粉，令到面頭形成一層薄薄嘅黑糖焦糖~成杯飲品飲落有四層口感！分別係脆脆嘅焦糖、甜甜地嘅奶蓋、香濃嘅牛奶配上彈牙黑糖珍珠奶蓋撈勻之後令到杯飲品更creamy