逸翠軒

營業中

休息中

好多人去飲茶🫖吾系食蝦餃就係燒賣呢啲指定動作，食品的質素和水平，一般都唔太差，但係要知道呢間食肆嘅點心廚房的真功夫，有冇用心做點心呢，就要睇吓佢嗰啲炸點啦！今日來到大埔，走入來這家中式酒樓飲茶。地方雅致唯面積比較細，枱之間有適當嘅平風隔開。隨便點左幾個点心，有鮑魚燒賣丶雙色蝦餃及瑤柱灌湯餃。因為無特別期望所以無特別失望。旁邊有食客突然啊的一聲，原來佢咬了一口個煎堆仔，煎堆仔內的流心奶黃如噴泉般射到週圍糸。於是乎我就馬上叫了一客。等左15 分鐘終於到啦，嘩，真係幾靚仔喎，個煎堆表面有黑白芝麻，size 大約吋半至兩吋一個，夠圓，一碟三粒。一口咬落真的好流心，而且味道吾太甜而且帶點脆脆地👍。一般流心會滲入個皮令到個煎堆霖晒，但今次我特登把另一個放咗十五分鐘後再咬，真係仍然好脆，最重要係內裡仍然係流心😋超正！