食包 (已結業)

晚上喺太子想簡單食啲嘢，Winner Burger 係唔錯嘅選擇，不過前題係要有位，因為小店面積好細，入面得兩張高枱。叫咗個WB 經典漢堡套餐，配洋蔥圏。個 burger 最大嘅驚喜係入面嘅煎流心蛋，無論係蛋汁嘅色澤抑或味道都非常吸引，非常高質。另外，生菜都好甜好新鮮，至於漢堡扒就正常質素，夠厚，但略嫌乾身咗少少。整體嚟講，burger 份量幾足，唔錯。至於洋蔥圏就正常味道，由於醬汁要另加錢，所以我只蘸茄汁，感覺係失色少少。下次都係要畀錢配個芝士辣醬😂。