仨

營業中

休息中

今晚晚餐食咗一個非常之出色嘅煎海鱸魚，估唔到深水埗都有咁高質素嘅西餐。佢個全名係叫做柚子胡椒香煎海鱸魚，成為$198再加一，海鱸魚煎得好好，面頭嗰層皮脆卜卜，入面嘅海鱸魚肉都夠鮮嫩，佢下面薦底嗰個茄汁都做得非常好，應該係用新鮮蕃茄打出嚟嘅，食得出蕃茄嘅鮮味而唔係唧出嚟嗰啲蕃茄汁咁樣。另外值得一讚係佢啲配菜，擺盤好靚好有心機，而且唔係得個樣，味道都唔錯，唔係就咁俾啲烚菜你就算，最勁就係佢為咗個配菜專登打咗個南瓜汁喺底俾你去點，真係一間難得嘅餐廳。