古城餛飩

營業中

休息中

中秋節正日收早，約左朋友喺附近，見仲有大半個鐘，有少少肚餓，就入咗呢間舖頭試吓。平時都係鍾意食煎餃多個湯餃，我見款式都有幾多種所以選擇，就揀咗雙拼，本來揀咗粟米，不過阿姐話今日冇整，就叫咗韭菜豬肉同埋冬菇豬肉。3pm 時間人唔算多，等咗10分鐘左右，煎餃已經準備好，一份有10隻，每款各有五隻。煎餃煎得好香脆，冬菇豬肉餃味道唔錯，好香嘅冬菇味。韭菜餃反而就普通咗啲，如果韭菜嘅份量再多啲味道應該會香好多。