尚月廚房 (餃子湯麵專門店) (已結業)

我同朋友都係非常之鍾意食餃子嘅 平時放假約埋出嚟 基本上 十次有九次都一定係食餃子 基本上我哋就係香港嘅餃子通 問我哋邊度餃子好食一定答到你 全港餃子我哋差唔多都食過曬 唯獨是係呢間我哋未試過 所以今次特登嚟挑戰一下 擴張自己嘅版圖 等我哋餃子 二人組 實力更加 強大😂😂😂呢間餐廳係一間比較新式嘅餃子店 裝修都好新鮮 好新淨 好光猛 坐落去嘅時候好舒服 啲凳都坐得好舒服 成件事個感覺 好唔錯 再加上佢哋員工嘅服務好好 好快就過嚟服侍 呢個真係好抵讚。我哋叫咗 一個水餃 之後一次過叫咗三個煎餃 因為我哋真係好鍾意食煎餃 煎餃真係好好味 呢個亦都係非常之高質嘅煎餃😉我自己特別想講下呢個韓式辣味嘅豬肉餃 非常之好食 韓式嘅辣味都好開胃 食完一粒一粒 大家都係追住食 非常之好食。😍😍😍