影片
更多
2009-11-08
210 瀏覽
剛剛搬左黎寶琳一個星期, 即刻上open rice 睇o下附近有咩好野食. 一個人, 唔想食咁多野, 於是揀左呢間全獲好評既良記試一試佢既真偽. 店舖位置比較偏僻, 如果唔係之前黎過拍車, 都唔會行到咁入. 其實成個商場都係小食店, 可能鐘數問題(晚上7點), 小食檔都幾靜. 沿路行入去良記, 已經見到有人食緊餃子, 而且離遠已經聞到韭菜既香味. 我買左10蚊煎餃(11隻) 5蚊魚蛋 (12粒), 淨睇價錢同分量已經好吸引. 入到去, 有人等緊飛碟, 賣相都唔錯. 我就同老細講, 魚蛋要加甜醬, 講左兩次, 但佢好似完全聽唔到我講野咁, 只係問我要唔要辣. 我要辣的, 願來佢只係落辣椒油比我, 並非一般食開既咖哩辣汁. 餃子係預先煎好晒, 所以好快就比左錢走得. 我急急步返上屋企, 大慨四-五分鐘路程, 一返到屋企就即刻食啦. 但一入口就失望了. 原本應該係脆既地方, 變得好煙"韌", 大概係我冇即場食既原因啦. 味道係唔錯, 餡料食得出係有白蘿蔔, 韭菜, 木耳, 但餡料分量好少, 皮搭埋既位置大左, 煎完又焗住, 越食越韌. 至於魚蛋, 係敷衍
我買左10蚊煎餃(11隻) 5蚊魚蛋 (12粒), 淨睇價錢同分量已經好吸引. 入到去, 有人等緊飛碟, 賣相都唔錯. 我就同老細講, 魚蛋要加甜醬, 講左兩次, 但佢好似完全聽唔到我講野咁, 只係問我要唔要辣. 我要辣的, 願來佢只係落辣椒油比我, 並非一般食開既咖哩辣汁.
餃子係預先煎好晒, 所以好快就比左錢走得. 我急急步返上屋企, 大慨四-五分鐘路程, 一返到屋企就即刻食啦. 但一入口就失望了. 原本應該係脆既地方, 變得好煙"韌", 大概係我冇即場食既原因啦. 味道係唔錯, 餡料食得出係有白蘿蔔, 韭菜, 木耳, 但餡料分量好少, 皮搭埋既位置大左, 煎完又焗住, 越食越韌. 至於魚蛋, 係敷衍之作, 係用左普通街市炸魚蛋, 有d "醒醒" 地, 有少少魚骨果種. 之前已經講過, 辣椒油+魚蛋, 係我第一次見.
總括黎講, 煎餃要外賣, 係我既錯. 而我今日所食過既野, 我會列入"冇下次"系列.
我會再比多次機會試蒸餃或飛碟, 但今日呢一餐, 令我非常失望.
張貼
