影片
更多
2018-10-27
753 瀏覽
之前都去過兩三次，兩三個月前第一次去覺得啲嘢食唔差覺得可以再嚟多次，上個月第二次去到叫同樣嘅嘢食，但食物質素就大大下降。今次因應小朋友要求話想去，咁就比多次機會佢啦，叫嘅都係2+2套餐，頭盤煙三文魚沙律，忌廉湯再加2個兒童餐同埋兩個成人餐。點知咁次仲大劑，個煙三文魚沙律上面啲三文魚一入口已經覺得同之前味道好唔同，點解會有啲酒味嘅，我同朋友同埋工人姐姐唔敢繼續食，只係食咗半塊左右就停手。到走嘅時候我同朋友個肚已經開始陰陰痛，返到屋企出事喇開始肚痾，朋友仲痾到發燒，我個工人姐姐都痾咗兩次，依家已經半夜兩點鐘我仲要爬起身坐咗喺廁所。作為一間專為小朋友而設嘅餐廳食物品質同衛生都非常緊要，如果有問題或者開始有變味嘅食物，唔係加啲酒落去嚟掩飾。我啲小朋友好想去嗰度玩，但成人又設最低消費，唔食又唔係。希望餐廳可以好好正視食物品質嘅問題，今次只係大人有事，如果小朋友食咗出事到時邊個負責呢？
作為一間專為小朋友而設嘅餐廳食物品質同衛生都非常緊要，如果有問題或者開始有變味嘅食物，唔係加啲酒落去嚟掩飾。
我啲小朋友好想去嗰度玩，但成人又設最低消費，唔食又唔係。
希望餐廳可以好好正視食物品質嘅問題，今次只係大人有事，如果小朋友食咗出事到時邊個負責呢？
張貼