正宗山西刀削麵店 (已結業)

去開荃灣，就會諗起刀削麵。原本想去蘭州，點知佢Sunday 唔開喎！行行吓，見到又有間叫正宗山西刀削麵。一行三人，叫咗三個配料share 食，分別係麻辣肚絲、豬脷同豬扒。三款料上都鋪滿辣醬同蒜頭粒。麻辣肚絲用上金錢肚，炆得好淋，醬汁除咗辣，仲有少少甜甜地。豬脷切薄片，口感都幾爽，好好食。豬扒新鮮即炸，香口，唔太油，不錯。刀削麵份量好多，我只係能夠完成一半。刀削麵好有咬口，煙煙韌韌，真係少啲牙力都唔得呀！不過整體黎計都好好食，麻辣又有得分級，唔會辣到she she 聲。