棋子燒鵝 (長沙灣道)

營業中

休息中

棋哥之子最近一口氣連開兩間食店，上次喺九龍灣德福廣場買過外賣，我屋企人好欣賞佢嘅脆皮燒鵝，今日放工經過深水埗嘅分店，又心血來潮想回味一下。原來而家燒鵝做緊九折，而且仲標明係煙燻燒鵝，店員話燒鵝係帶有煙燻味道。而家買燒鵝半隻，仲可以加$10有半隻雞，完全諗唔到有咩理由叫自己唔買埋。手撕雞都好似幾吸引，呢個留待下次再試。阿媽教落，想知道嗰隻係鵝定鴨，其中一個特徵就係鵝頭會有個髻，而呢度掛出嚟嘅就一定全部都係燒鵝，貨真價實。攞到返屋企，燒鵝皮仍然係脆卜卜，今次嘅燒鵝仲果然有明顯嘅煙燻香味，真係別有一番風味。 十蚊雞肉質彈牙而爽口，仲非常嫩滑，$10真係好超值！半隻燒鵝加半隻雞埋單只需$235，以呢個質素真係值回票價。