影片
更多
2016-07-03
790 瀏覽
Sense嘅分子雪糕料理都算係始祖，隨即有不少甜品店都加入分子雪糕嘅戰團。未食分子雪糕前，呢款招牌原味Tiramisu係必試，佢模仿盆栽嘅模樣，特別用上小盆，Tiramisu就好似變成泥土咁。啲餅濕濕地，有純香嘅咖啡味。一層一層嘅Tiramisu「泥土」係以蛋糕(唔似係手指餅乾)相隔，旁邊被mascarpone包住，口感好rich，又軟綿綿。濕潤嘅「泥土」上放上碎濕濕嘅果仁、燕麥，朱古力粉，仲放上一條薄荷葉，提升「盆栽」嘅像真程度，更加似食「泥」，夠玩味！到食分子雪糕嘞！呢個一上枱就不停冒煙，係乾冰起嘅作用嗎？分子雪糕真身都係雪糕，放到-197度嘅環境雪藏，凍到易碎，可以打碎成粒。呢杯石板街分子雪糕有黑朱古力、牛奶朱古力、白朱古力，等啲煙散咗先好食，咁樣無咁凍，朱古力較平時食果啲無咁甜，似有層冰封咗表面，要慢慢㗳啲朱古力味先會出。再加上細粒綿花糖、花生去增加唔同味道同層次感。啲綿花糖表面睇係原整嘅，但其實已經震到個心都碎咗，唔係平時食嘅軟綿綿質感，而係凍嘅、感覺碎咗。多兩吓會變軟，好有趣！好好玩！一冷一熱嘅組合甜品都係必點嘅，waffle加雪糕係我嘅最愛，今次試埋另一配搭分子雪糕加心
未食分子雪糕前，呢款招牌原味Tiramisu係必試，佢模仿盆栽嘅模樣，特別用上小盆，Tiramisu就好似變成泥土咁。
啲餅濕濕地，有純香嘅咖啡味。一層一層嘅Tiramisu「泥土」係以蛋糕(唔似係手指餅乾)相隔，旁邊被mascarpone包住，口感好rich，又軟綿綿。濕潤嘅「泥土」上放上碎濕濕嘅果仁、燕麥，朱古力粉，仲放上一條薄荷葉，提升「盆栽」嘅像真程度，更加似食「泥」，夠玩味！
到食分子雪糕嘞！呢個一上枱就不停冒煙，係乾冰起嘅作用嗎？分子雪糕真身都係雪糕，放到-197度嘅環境雪藏，凍到易碎，可以打碎成粒。呢杯石板街分子雪糕有黑朱古力、牛奶朱古力、白朱古力，等啲煙散咗先好食，咁樣無咁凍，朱古力較平時食果啲無咁甜，似有層冰封咗表面，要慢慢㗳啲朱古力味先會出。
再加上細粒綿花糖、花生去增加唔同味道同層次感。啲綿花糖表面睇係原整嘅，但其實已經震到個心都碎咗，唔係平時食嘅軟綿綿質感，而係凍嘅、感覺碎咗。多兩吓會變軟，好有趣！好好玩！
一冷一熱嘅組合甜品都係必點嘅，waffle加雪糕係我嘅最愛，今次試埋另一配搭分子雪糕加心太軟！
一切開個心太軟，個心半溶咗出黎。仲係熱辣辣，好啱配雪糕！味道唔太甜。食雪糕前個人喜歡撈勻兩款味道，野莓味徧酸，撈返啲雲尼拿味，中和咗啲酸味，夠醒神。
張貼
