無糖不歡 (已結業)

這間一直都想去食，不過最近更迫切要去，因為過咗4月18日 (今日)，就無得食啦～ 我就一星期內嚟咗2次，第一次同朋友去食，時間巳經晚上10點，要等位，入到去時我哋想食嘅糖不甩口味已經賣晒，就點其他甜品食。第二次是昨晚，7點半左右到，不用等位，終於可以點糖不甩食✌🏻單身貴族 (HK$28)可以從9款口味嘅糖不甩裡揀6款，每款一粒。我就揀咗這6款 (以我喜歡的口味排名)：1. 原味薑汁 (薑味突出但不辣)2. 朱古力 (伴有朱古力粒粒)3. 奶茶 (奶茶味出)4. 玫瑰 (香花味，有少少桂花汁)5. 芒果 (以為好奇怪，但幾清甜喎)6. 黑糖鐵觀音 (都佢最大期望，但可惜茶味好淡，黑糖也好淡)。整體糖不甩嘅口感好煙韌，不過因為要加工裝飾，上枱時已經是䁔䁔地啦。桂花枸杞酒釀丸子 (HK$39)比我想像中細碗，不過丸子煙煙韌韌，米酒比較重手，所以比較出面食嘅香濃一些。百家爭鳴 (HK$38)綜合咗四款中式糖水：芝麻糊、腰果糊、花生糊、杏仁茶。幾特別，可以一次過食晒4款糖水，不過朋友食唔出腰果糊，可能因為同花生糊一樣都係果仁同埋顏色差唔多。