百變蛋君 (已結業)

建議：買完去海濱公園Chill住慢慢食話說Fd子食完飯，話附近有間雞蛋仔舖頭幾靚，而佢地既口味又有好多選擇😋 所以就行左過隔離街睇下到底岩唔岩食，原來佢講既係之前係銅鑼灣有分店既－百變蛋君。#雞蛋仔 有超多特別口味，好似係：麻糬·糖不甩、避風塘 同蘋果批…等等😮 而格仔餅有幾款，仲配左特製芝士醬/特製紅豆芝士醬🧀作為#煙韌控 同#芝士控 當然係比#麻糬 同芝士醬吸引左🤣 所以今次先食格仔餅#試伏 。今次試左：▫️KitKat麻糬配特製芝士醬 (HK$50)落完單，店員就即整🧀 睇住#格仔餅 出爐，舖頭充滿左陣陣既蛋香味，真係好期待😋 新鮮出爐做到外脆內軟，麻糬同#kitkat 係格仔餅既夾層，味道好夾。如果麻糬份量再多啲就更正，軟糯感Mix🤤拎走用既手抽紙盒設計值得一讚👍 顏色用番舖頭之如，用起上黎仲好方便。格仔餅出爐吹完風機後，店員會切分一件件，放係一個倒三角既手抽。除左可以整齊放好格仔餅外，側邊仲放埋芝士醬🧀 穿窿位可以防止有倒汗水👍只要向外反手抽就可以變做一個紙托，方便坐低慢慢食。雖然舖頭位置唔算係旺區，不過如果去開海濱又想買少少咬口小食，不妨考慮下買底雞蛋仔/格仔餅過下口癮😋