飲嘢 (已結業)

食完飯直落梗係要食埋糖水 咁啱想食芋圓就揀左飲嘢因為大埔其他糖水鋪既芋圓實在 太 難 食 。。。。。。九點幾差唔多十點入座，點左個二人份量即燒仙草芋圓，原本想試一試佢個蜂蜜牛奶味雪糕，點知雪糕賣曬。不過唔緊要！最想食都係芋圓！店員話俾多啲芋圓我地上枱雖然賣相一般，但芋圓真係好煙韌！仲加埋珍珠，啱曬煙韌控不過芋圓本身就好淡味，仲要俾淡奶蓋埋陣味，所以係幾乎無芋頭味嘅。不過整體而言，我覺得飲嘢既芋圓都比大埔其他糖水鋪好食！下次口痕都會再幫襯！再尼就係招牌嘅符碌茶，即係水果茶。感覺味道同出面賣有鮮果既水果茶差唔多，不過不失。而呢個價錢有巨無霸size，同朋友兩個人share都得。可惜哩次可能落少左糖漿，成杯味道偏淡。食完芋圓就飲唔到味。