川味美食

營業中

休息中

難得黎到荃灣，見到哩間好多人等外賣嘅小店，主打紅薯粉，身為紅薯粉愛紅者緊係要試下啦同其他紅薯粉唔同，哩度除咗有正常size仲有紅薯寬粉同中寬粉，係香港黎講真係比較少有！薯粉可以配酸辣湯，或者熱撈。紅薯寬粉撈豬頸肉海帶龍蝦丸 $34咁大碗配三個餸都唔洗$40...真係超抵食🤑熱撈嘅配料有花生、肉醬等，好惹味！花生香脆可口，每個餸嘅份量都好多，海帶結爽，豬頸肉好入味，龍蝦丸就白灼嘅要配埋啲熱撈汁一齊食先有味。重點係紅薯寬粉嘅口感真係超得意，好煙un，好粗身，同埋掛住啲肉醬一齊食係好配搭，一試就愛上！