鮮芋仙 (V Point )

營業中

休息中

銅鑼灣食完飯，想食個甜品，最就腳一定係鮮芋仙，係正時代廣場同登龍街隔離。可能今晚平日，加上比較早（8點），排隊人龍唔太長，二人台等左10分鐘就入得，仲要唔洗搭台，唔錯。叫左個熱芋丸紫米粥同凍仙草甘茶加冬瓜凍。d紫米同紅豆煲得好淋好出味，米同粥水比例都合適，唔會太水。配埋招牌既芋丸，口感煙un有咬口，同粥底相當夾。至於杯茶，仙草汁就正常無咩特別，配另加既冬瓜凍個味道都幾夾，特別適合夜晚食完熱氣野後下下火。今日好運，唔洗排隊都食到，正！