孖沙茶餐廳 (已結業)

成日lunch都好想食孖沙，但係次次經過都見到一條好長嘅人龍喺度排緊隊，唯有放棄今日趁星期六十一點幾，無左班寫字樓客去食，等左兩三個人就可以入座啦！<三眼仔叉燒飯$41> (評分：4/5）次次去孖沙都一定要食佢個三眼仔叉燒飯，太陽蛋煎得啱啱好，嗰邊係脆嘅！叉燒飯係雖然唔係好多，但係舊舊都半肥瘦，再加埋秘製嘅甜豉油撈埋落去啲米飯食，真係上環上班一族午餐嘅恩物呀要喺孖沙食飯真係要睇時機！平日lunch基本上係冇可能塞到入去，就算係禮拜六12點幾都有好多人慕名而來，排晒長龍！如果你唔喺附近返工，咁就要趁禮拜六朝早早少少嚟排隊啦（星期日係唔開的）！