爆丼屋 (已搬遷) 新店位置

聽朋友講, megabox開咗間新嘅餐廳,專門食日式丼飯, 聽聞之前喺旺角都有間總店, 都有唔少人排隊幫襯...今晚公司ot完,成八點鐘,諗住搵番餐好啲嘢食,就喺公司附近嘅megabox,呢間"爆丼屋"到食咗一餐, 點知就咁就中咗伏,搞到心情好差,仲要去麥當勞度食宵夜...一心諗住去到呢度試下啲日式丼飯,點知入到去坐低,職員就叫我哋自己點餐,完全冇任何介紹... 都明白嘅,今時今日興用手機點餐, 咁就用手機睇一睇個餐牌... 點知個餐牌啲格式又醜怪,啲相又矇查查,超級大師級作品,張張相都睇唔清嘅... 是但啦,我當係啲寫程式嘅人員馬虎... 最緊要啲嘢食ok... 揀咗個外貌唔錯嘅餐,叫做"六重相撲爆盛丼"個樣真係唔錯,價錢都唔平,不過諗住ot到咁夜,又肚餓,整個好啲嘅飯比自己享受下... 點知咁就中咗伏... 個飯嚟到同張相有非常非常之大嘅差異!碗飯又細碗!啲料又唔足!上面啲蟹肉同埋其他配料,好似啲嘔吐物咁... 賣相一啲都唔好! 好想問下可唔可以用張相去海關舉報佢, 觸犯有關商品及說明條例! 其實另外我同事都嗌咗碗蟹肉為主嘅當飯,我試咗其中一隻蟹腳,非常非常之腥... 食咗一啖就冇