影片
更多
2021-08-06
3722 瀏覽
呢間由The Cupping Room主理嘅Doubleshot係日頭係一間Coffee Shop☕️夜晚就係一間bar🥃供應嘅食物幾多元化，有唔少西式主食，而且環境好正，有一排向窗嘅位置可以一路食一路望住復古style窗框外面嘅中環半山街景，吸引唔少人（包括我🤣）慕名而嚟。今日趁住放假自己嚟chill下，過咗lunch hour可以坐到向窗嘅位置，慢慢嘆個brunch再望住出面營營役役嘅鬧市，形成強烈對比。除咗靠窗嘅位置，呢度裝修都係走復古路線，而墨綠色同杏色做主調，有種中西合璧嘅感覺，懷舊又時髦。Avocado Toast 2.0 間間cafe都有avocado toast，唔通間間都想出avocado toast咩🤪🤪呢度嘅版本直頭係極之奢華嘅version（當然價錢都係😂）用正方形木盤，整齊鋪上排得靚仔嘅牛油果🥑Burrata cheese、辣肉腸、芒果同蛋黃，顏色配搭一流，但係味道都配合得唔錯，唔同配料撞埋一齊，放喺烘到脆卜卜仲有少少橄欖油香嘅多士上面，味道層次豐富，只係略嫌芒果甜得緊要，食落芒果味道有點搶。Roasted Cauliflower呢度weekday嘅lunch
Avocado Toast 2.0
間間cafe都有avocado toast，唔通間間都想出avocado toast咩🤪🤪呢度嘅版本直頭係極之奢華嘅version（當然價錢都係😂）用正方形木盤，整齊鋪上排得靚仔嘅牛油果🥑Burrata cheese、辣肉腸、芒果同蛋黃，顏色配搭一流，但係味道都配合得唔錯，唔同配料撞埋一齊，放喺烘到脆卜卜仲有少少橄欖油香嘅多士上面，味道層次豐富，只係略嫌芒果甜得緊要，食落芒果味道有點搶。
Roasted Cauliflower
呢度weekday嘅lunch set係包埋4選1嘅前菜，咁計套餐價都合理嘅🤣呢個烤椰菜花份量都幾大，面頭加咗啲cajun粉所以食落幾惹味，椰菜花爽口。
Burnt Basque Cheesecake
The Cupping Room嘅巴斯克芝士蛋糕一向都係招牌作，唔少人都鍾意食，我試過佢副線Lavina嘅流心巴斯克芝士蛋糕都覺得好正，所以今次都叫咗件試下。$68嚟講份量都幾細下，而且今次質素失準🙈🙈蛋糕質感太實淨完全無軟心，似係焗嘅時間溫度有差，芝士味係唔錯嘅，不過質感上就比期望有落差😅😅
Espresso Tonic
好彩杯咖啡都幾好飲，咖啡嘅苦味加上tonic water嘅澀，酸度剛好，夏天正正就係需要一杯espresso tonic呀～
人均消費：$250
推介指數（10分為滿分）：7.5分
張貼
