蘇眉 (已結業)

過了聖誕一段時間了，岩岩先有時間寫食評。 第一時間就寫呢間，因為真係一餐好有heart 好難忘既晚飯。近半年追睇番煮角呢個節目 發現佢入面既廚師都有個人特別既地方 好想試下佢地煮既菜網上做資源搜集既時候見到呢間solemate 一直想試 就襯聖誕黎食入到餐廳覺得好得意 因為外面係美景花園 個氣氛好唔同 突然有間high end 餐廳響度 係特別既 一入去侍應都好nice佢地好注重西餐既服務 換餐具 倒水 好密 （加分） 點菜後 菜式一個一個上 我最中意係泥蟹ravioli 同鴨胸 個味道好突出特別係ravioli 出面係冇得食一定要搵佢但過左差唔多一個月 我發現慢煮蛋係最深刻的 因為個藜麥好彈牙 屋企要煮到佢既質地好難 食完後 主廚Vito 出黎 （CC都響餐廳！） 同每檯客人傾計 唔知係因為平安夜 定係平時都係咁 作為一個食客好窩心 佢真係會答你既問題 我一路食一路冒出既問題都有問必答 （呢個點煮架 果個個口感好得意呀） 呢一餐上菜因為聖誕多人關係較慢 但能夠食到廚師俾足心機整既菜 令呢個平安夜既晚餐相當難忘！