煮道 (已結業)

早排聽舊同事講上環開左間一人一個鍋既餐廳，仲話好唔錯。見今晚得返 11 度，天氣咁凍最岩就係打邊爐 ~位置0係上環皇后大道西2-12 號百匯電腦城1樓。間餐廳好大，7 點幾上到去唔算多人～到食食下就開始差唔多有10 幾枱 1 人1鍋緊。 Menu，好得意～ 我同朋友每人各自點左 1 個鍋 ~我果個係部隊鍋，佢 d 料真係好足，有：泡菜、魚蛋、雞蛋、煮道福寶、冬菇、年糕、豬肉等，當然唔少得辛辣麵啦！材料非常多、而且個湯香濃得帶有點辣，即刻當堂暖哂，好有韓 feel ～ 另外，朋友點左個星級精選鍋～可以揀牛/ 豬/ 羊；而佢就揀左安格斯牛！ 佢個鍋有：花枝丸、魚子丸、黃金枝豆棗、煮道福寶、冬菇、雲耳～個湯底有好多款選擇, eg 麻辣、蕃茄、南瓜等，最後諗左好耐揀左蕃茄～唔好講笑，個蕃茄湯底真係好鮮甜健康，而且聽職員講，冇落味精既！so far d 牛都好鮮嫩，其他材料份量都好豐富，食完成個真係好飽～ 另外，我地每人點左杯飲品～洛神花茶甜左ｄ，如果可以減甜就好；青檸梳打不過不失～ overall 每人around $120，好抵～呢度d 員工態度服務都好好，而且坐得好舒服，有機會會再黎食！