影片
更多
2011-05-12
11 瀏覽
四月既時候，仲未三十幾度，就黎試下呢到既煲仔飯。煲仔飯係暖胃野，都係未夏至之前食好d。個人對煲仔飯既要求係飯要乾身同有點飯焦，餸既味要同飯合體。好多地方既飯都做得唔錯，係飯味同餸味無融合，當然唔係樣樣餸都好出味，不過即使"臘"字頭既餸，d飯都係無咩臘味，真係同叫餸加碗白飯無咩分別。今次又試試這裡既水準。胡椒豬肚湯，都係未熱之前岩飲既湯，個湯聞落幾香胡椒味，飲落胡椒味夠重，料方面都幾足，豬肚夠腍亦爽身。其實這裡的也不錯，不過唔知係咪之前食過筲箕灣鋒記既關係，總覺得好似差左d野，諗下諗下，跟鋒記比較，這裡既胡椒豬肚湯就係未算濃郁，可能個人喜歡濃郁一點吧。煲仔飯要左蝦醬豬肉同白鱔，蝦醬味濃度適中，豬肉薄薄一片，夠入味，伴有蝦乾，食落幾鮮味；白鱔肥美，用上既豆鼓也不錯。蝦醬味、豆鼓味同鱔既鮮味都滲入左d飯到，確係美味。見樓上話d飯濕濕地，是次幫襯既飯都算乾身，帶有小小小小小飯焦，個人覺得係飯焦未夠精彩，可以再多一點。整體收貨既煲仔飯。椒鹽魷魚，粉薄薄，魷魚新鮮，爽爽有咬口亦夠彈牙，係椒鹽味可以再重手d，不過都係送酒既好朋友。咕嚕肉，見這裡的賣上近百元，應該也不錯，又試試。這裡用上既新鮮豬肉，肉
胡椒豬肚湯，都係未熱之前岩飲既湯，個湯聞落幾香胡椒味，飲落胡椒味夠重，料方面都幾足，豬肚夠腍亦爽身。其實這裡的也不錯，不過唔知係咪之前食過筲箕灣鋒記既關係，總覺得好似差左d野，諗下諗下，跟鋒記比較，這裡既胡椒豬肚湯就係未算濃郁，可能個人喜歡濃郁一點吧。
煲仔飯要左蝦醬豬肉同白鱔，蝦醬味濃度適中，豬肉薄薄一片，夠入味，伴有蝦乾，食落幾鮮味；白鱔肥美，用上既豆鼓也不錯。蝦醬味、豆鼓味同鱔既鮮味都滲入左d飯到，確係美味。見樓上話d飯濕濕地，是次幫襯既飯都算乾身，帶有小小小小小飯焦，個人覺得係飯焦未夠精彩，可以再多一點。整體收貨既煲仔飯。
椒鹽魷魚，粉薄薄，魷魚新鮮，爽爽有咬口亦夠彈牙，係椒鹽味可以再重手d，不過都係送酒既好朋友。
咕嚕肉，見這裡的賣上近百元，應該也不錯，又試試。這裡用上既新鮮豬肉，肉醃得唔錯，咕嚕肉就少少脆，甜酸就個人覺得偏向酸，挺開胃的，份量亦較一般例牌多，也不錯的咕嚕肉。
梅香咸魚煎肉餅，肉餅固然係啖啖肉，這裡夠厚身，有咬口，煎肉餅，夠香口，食落亦夠juicy，係到諗，如果用黎做burger應該幾唔錯，不過唔知係咪咸魚既關係，就真係咸左d。
整體我覺得這裡最好的係新鮮，煲仔飯水準不錯，小菜幾有驚喜，雖然要差不多一舊水碟，不過份量唔係例牌size，五至六個人黎，份量應該會剛好。店子細細，一貫大坑風格，人氣旺就要坐路邊。三個人，兩個煲仔飯，三個小菜同一個湯，真係好飽。
張貼
