明苑粉麵茶餐廳 (已結業)

早排去旺角風味園食過唔差嘅煲仔飯，念念不忘，啱啱經過明苑，聞到煲仔飯香，於是乎吸引咗我入去。點咗個臘味煲仔飯，幻想緊d臘味嘅豬油滲入D飯入面嘅美味，未入口先興奮！再叫多個小菜係茄子牛仔骨煲。牛仔骨煲都未上枱，無幾耐煲仔飯已經上枱！吓！即快？煮定架？摸吓個煲，唔辣手！唉..... 大家知咩事啦！再打開個煲蓋，感覺好似D臘味只係放係D飯上面，無同飯一齊煲，煲仔飯好正常毫無豬油香啦！好彩，煲底嘅飯焦不少，囉番D分。另外個小菜，茄子就煮得唔夠耐，所以唔夠冧，但牛仔骨就煮得過火少少，有D韌。失望，講完！