Straits Kitchen (已結業)

星期六夜晚喺元朗唔知食咩好，誤打誤撞就入咗呢間試下，點知啲嘢都幾好食 我叫咗個熟成牛扒，飯轉薯條。男朋友就叫咗煲仔飯。當晚唔算好忙，不過都等咗陣先有嘢食。牛扒我個人覺得一般，係香港嚟講算唔差，只不過同我想像中有啲出入。 薯條就好好味！新鮮炸起之餘同埋佢嘅seasoning都岩岩好，食完我忍唔住再叫多個order 個煲仔飯真係好出色！加埋頭抽撈埋一齊食一流！可惜份量有啲少， 不過一個人食都ok。嘢飲就麻麻地啦，我哋叫咗凍檸茶同凍檸蜜都唔係咁好。總括嚟講呢間都值得食嘅，不過份量略為細同埋都偏貴。但係叫做區內比較有特色同好食嘅餐廳。