影片
更多
2021-06-19
398 瀏覽
突然想食燒鵝，冇理由山長水遠去深井架🤣近近地搵吓市區邊度有好食嘅燒鵝，見到呢間係鏞記後人開，即刻試吓有幾巴閉例湯日日唔同，今日係西洋菜豬骨湯😍我本身已經勁中意西洋菜湯，甘甜味嘅老火湯，好足料甘饕燒鵝外表立立令，一睇就知油香十足，夾起見到鵝肉飽滿，非常吸引😍鵝皮入口酥化，啖啖油香，但係又唔係肥到膩個隻，連埋酸酸甜甜嘅酸梅醬，味道層次更豐富蜜汁叉燒+肥燶叉燒+大少叉燒三款叉燒都用咗三個唔同部位嘅豬肉燒成，我就最鍾意肥燶叉燒，有少少燶邊，好香口，仲要係用邪惡嘅五花腩，緊係好食啦🤣鮮鵝肝腸炒芥蘭鮮鵝肝腸真係比較少食，同臘腸相比較腍，有啲粉粉地嘅口感，都幾特別👍🏻鵝油炒飯熱辣辣嘅煲仔炒飯，炒飯粒粒分明，用鵝油炒飯真係好香，仲有啲細粒鵝肉，菜心粒增加口感，呢個炒飯絕對推介！我地食到一粒飯都無淨😆
例湯日日唔同，今日係西洋菜豬骨湯😍我本身已經勁中意西洋菜湯，甘甜味嘅老火湯，好足料
甘饕燒鵝
外表立立令，一睇就知油香十足，夾起見到鵝肉飽滿，非常吸引😍鵝皮入口酥化，啖啖油香，但係又唔係肥到膩個隻，連埋酸酸甜甜嘅酸梅醬，味道層次更豐富
蜜汁叉燒+肥燶叉燒+大少叉燒
三款叉燒都用咗三個唔同部位嘅豬肉燒成，我就最鍾意肥燶叉燒，有少少燶邊，好香口，仲要係用邪惡嘅五花腩，緊係好食啦🤣
鮮鵝肝腸炒芥蘭
鮮鵝肝腸真係比較少食，同臘腸相比較腍，有啲粉粉地嘅口感，都幾特別👍🏻
鵝油炒飯
熱辣辣嘅煲仔炒飯，炒飯粒粒分明，用鵝油炒飯真係好香，仲有啲細粒鵝肉，菜心粒增加口感，呢個炒飯絕對推介！我地食到一粒飯都無淨😆
張貼
