二鍋頭 (福苑)

營業中

休息中

Encore之選! 朋友睇完我d 食物相，話睇到流口水，咁就同佢地嚟左旺角分店再挑戰大胃王。呢度雞煲、鴨煲、豬手煲、火煱全部任食，鍾意食好d，可以加錢食埋和牛，或海鮮。比起好多火鍋店嚟講，選擇較多元化。🥘雞煲有得揀辣度，小小辣啱晒辣度唔高嘅人，小小刺激、惹味，易入口。🥘火焰鴛鴦鴨煲食完雞煲轉鴨煲。鴛鴦鴨原來係指鮮鴨件同埋油鴨件。個煲上枱，店員加入玫瑰露酒，點火，炒勻。加左酒嘅鴨件有淡淡嘅酒香，特別惹味。油鴨完全唔肥，有鹹香。最好味係鴨掌，雖然唔算大隻，但係炆得入味，又夠腍。🥘第三煱食埋火煱，店員唔會喺鴨煲加湯就算，係重新再上一鍋新嘅👍出邊自助區嘅丸類、蔬菜等任攞。火鍋紙上嘅脆鯇魚腩同白鱔片，鍾意食魚嘅可以放心叫，骨唔多，都算鮮味，脆鯇真係幾爽脆、彈牙。最後食埋榴槤雪條，非常滿足。😋兩小時任食，有咁多款選擇，真係要再嚟多次，先可以試晒所有款式。