譚仔三哥米線

營業中

休息中

自「煳麻湯魚爽肚」米線推出後成為人氣食品，搞到我心思思要試吓😝 入到餐廳坐低就叫咗呢碗米線，再加呢個配料 「芥末魚籽鱈魚滑豆卜」，都係全新推出㗎！店員將我碗米線送上嘅時候已經聞到陣陣嘅煳麻味。除咗口罩後嗰陣香味更加強烈😆😆 譚仔三哥獨創煳麻湯底，將煳麻及麻辣特色湯底結合埋一齊而成。辛香麻辣集於一身，令麻辣味道更加有層次感。魚爽肚口感滑溜又爽口，配埋湯底一齊食堅惹味。「芥末魚籽鱈魚滑豆卜」將芥末魚籽鱈魚滑釀入豆卜之中，每粒都漲卜卜😍放入湯底後索晒啲湯底先食，越食越上癮😋供應期有限，想食就要快啲喇😀 如果唔食煳麻湯嘅話可以轉其他湯底㗎。